İpoteka Krediti üçün tələb olunan sənədlərin siyahısı
İpoteka Krediti üçün Tələb Olunan Sənədləri bu səhifədə siyahıya aldıq. İpoteka üçün tələb edilən sənədlərin bir çoxunu öncədən hazırlayıb banka yaxınlaşmaqla ipoteka rəsmiləşdirilməsini sürətli şəkildə həll edə bilərsiniz.
- İPOTEKAYA YARARLI EVLƏRİN SİYAHISI -
İpotekanın alınması üçün aşağıdakı sənədlər tələb olunur
- İpoteka krediti alan(lar)ın (borcalan(lar)ın) şəxsiyyətini təsdiq edən sənəd və sənədin notarial qaydada təsdiqlənmiş surəti
- İpoteka krediti alanın (evli olduğu halda həyat yoldaşının da) doğum şəhadətnamələrinin surəti
- Borcalan(lar)ın ailə tərkibi haqqında arayış (ASAN Xidmət)
- İpoteka krediti alan(lar)ın subay olduğu halda subaylıq haqda arayışı (VVADQ şöbəsi)
- İpoteka alan(lar)ın nikah şəhadətnaməsinin notarial təsdiqlənmiş surəti (boşanma faktı olduğu halda məhkəmə qətnaməsi və nikahın pozulması haqda şəhadətnamə)
- İpoteka krediti alanların birgə yaşayan yetkinlik yaşına çatmamış ailə üzvlərinin şəxsiyyətini təsdiq edən sənədlərin notarial qaydada təsdiqlənmiş surəti
- Borcalan(lar)ın gəlirlərini təsdiq edən sənədlər (əsas və əgər varsa, əlavə iş yerindən arayış (iş stajı göstərilməklə), əmək haqqı kartlarından bank çıxarışları və s.)
- Borcalan(lar)ın əmək müqaviləsi və ya onun iş yerinin kadrlar idarəsi tərəfindən təsdiq edilmiş əmək kitabçasının surəti (hər səhifəsi təsdiqlənməlidir)
İpotekanın rəsmiləşdirilməsi üçün tələb olunan sənədlər
- Satıcının özünün (evli olduğu halda həyat yoldaşının da) şəxsiyyət vəsiqəsinin notarial təsdiqlənmiş surəti
- Satıcının özünün (evli olduğu halda həyat yoldaşının da) doğum şəhadətnaməsinin surəti
- Satıcı subay olduğu halda subaylıq haqda arayış (VVADQ şöbəsi)
- Satıcının nikah şəhadətnaməsinin notarial təsdiqlənmiş surəti (boşanma faktı olduğu halda məhkəmə qətnaməsi və nikahın pozulması haqda şəhadətnamə)
- Forma 1 - İpoteka predmetinin digər öhdəliklər üzrə yüklü edilməməsini və məhdudiyyət olmadığını təsdiq edən sənəd. (Notariat kontoru)
- Forma 2 - İpoteka qoyulan yaşayış sahəsi üzrə qeydiyyatda olanlar haqqında arayış (Notariat kontoru/ASAN Xidmət)
- Forma 2-də adları qeyd olunanların şəxsiyyət vəsiqəsinin notarial təsdiqlənmiş surəti
- Borcalanın (borcalanların) evli olduğu halda həyat yoldaşının razılıq ərizəsi (Notariat kontoru)
- İpoteka qoyulan yaşayış sahəsi üzrə mülkiyyət hüququnu təsdiq edən sənədin (dövlət reyestrindən çıxarış) və texniki pasportun notarial təsdiqlənmiş surəti (tələb olunduqda)
- Qiymətləndirmə aktı.
- İpoteka predmetinin ipotekaya qoyulmasına və məhkəmədənkənar qaydada satılmasına dair ərin/arvadın, ipoteka predmetində qeydiyyatda olan digər yetkinlik yaşına çatmış ailə üzvlərinin notariat orqanlarına təqdim olunan razılığının surəti. İpoteka predmetinin mülkiyyətçisi yetkinlik yaşına çatmamış şəxs olduqda, onun maraqları çərçivəsində səlahiyyətli qəyyumluq və himayəçilik orqanlarının razılığının surəti (Satılmasına və ipotekaya qoyulmasına razılıq)
İpoteka krediti alan fərdi sahibkar olduqda əlavə olaraq təqdim olunmalı sənədlər
- Sahibkarın vergi orqanlarında qeydiyyatdan keçməsi haqqında şəhadətnamə (surəti)
- Vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi (AR İqtisadiyyat Nazirliyi yanında Dövlət Vergi Xidməti və ya onlayn qaydada mümkün olduqda www.e-taxes.gov.az)
İpoteka Krediti Haqqında Faydalı məlumatlar