emlaktap.az

İpoteka Krediti Haqqında ətraflı məlumatlar

İpoteka Krediti Haqqında tez-tez verilən suallara cavab tapdıq. İpoteka krediti haqqında suallarınız varsa burada cavab tapacaqsınız. 

- İPOTEKAYA YARARLI EVLƏRİN SİYAHISI -

Adi dövlət ipotekasını necə əldə edə bilərəm?

İpoteka kreditini almaq üçün Elektron Hökumət Portalında ( www.e-gov.az) mövcud olan “Elektron ipoteka və kredit zəmanət” sisteminə gücləndirilmiş elektron imza (e-imza, asan imza) ilə qeydiyyatdan keçərək müraciət etmək olar.

 

Adi dövlət ipotekası əldə etmək üçün elektron imza və ya asan imzanı necə əldə edə bilərəm?

Elektron İmzanı və ya Asan İmzanı müvafiq olaraq Nəqliyyat, Rabitə və Yüksək Texnologiyalar Nazirliyinin tabeliyində Məlumat Hesablama Mərkəzindən və ya “ASAN xidmət” mərkəzlərindən əldə edə bilərsiniz.

 

Borcalan və birgəborcalan kimlərdir?

Borcalan - ipoteka kreditini əldə etmək istəyən şəxsdir. Birgəborcalan rəsmi gəlirə malik olan 1-ci dərəcəli ailə üzvüdür.

 

2 və ya 3 nəfər birlikdə ipoteka krediti ala bilər?

Bəli. 2 və ya 3 nəfər birlikdə ipoteka krediti ala bilər, ipoteka alan şəxslər 1-ci dərəcli ailə üzvləri olmalıdırlar.

 

Adi dövlət ipotekası krediti hansı şərtlərlə verilir?

Adi dövlət ipotekası illik 7%-dən başlayaraq 25 il müddətinə verilir. Minimal ilkin ödəniş bəzi banklarda 10%-dən digərlərində 15% başlayır.

 

Adi dövlət ipoteka krediti üzrə məbləğ nə qədər təşkil edir?

Adi dövlət ipoteka krediti üzrə maksimal məbləğ 150 000 AZN təşkil edir. Bəzi Banklar vasitəsi ilə maksimal məbləğ 500 000 AZN -dək ola bilər.

 

Adi dövlət ipoteka krediti üzrə ilkin ödəniş nə qədərdir?

İlkin ödəniş 15%-dir. Lakin məbləğ, kreditin maksimum məbləğini (150 000 AZN) keçdiyi halda, maksimal kredit məbləğindən artıq olan hissə ilkin ödəniş kimi ödəniləcəkdir. Məs, evin (mənzilin) qiyməti 250 000 AZN olarsa, bu halda 250 000 AZN (evin/mənzilin qiyməti)-150 000 AZN (maksimal kredit məbləği) = 100 000 AZN (ilkin ödəniş) olacaqdır.
 

Adi dövlət ipotekasında kreditin maksimal müddəti nə qədərdir?

Adi ipoteka krediti üzrə maksimal müddət 25 ildir. Lakin kreditin son ödəniş tarixində borcalanın və ya birgəborcalanın yaşı qanunvericiliklə müəyyən edilmiş pensiya yaşından çox olmamalıdır. Məsələn, kişi müştərinin 50 yaşı varsa, kredit müddəti maksimum 15 il olacaqdır, çünki pensiya yaşı həddi 65-dir. Qadınlar üçün bu yaş həddi 63-dür.
 

Adi dövlət ipotekasında təminat (girov) tələbi varmı? 

Alınan ev və ya mənzil təminat qismində çıxış edir.
 

Adi dövlət ipoteka krediti ilə hansı yaşayış sahələrini əldə edə bilərəm?

Adi dövlət ipotekası ilə çıxarış sənədi olan mənzillər, bağ evləri və həyət evləri əldə edə bilərsiniz.
 

Adi dövlət ipoteka kreditində iş yeri və gəlirə dair sənədlər hansılardır?

İş yerindən arayış (elektron və ya kağız formatda), əmək haqqı kartından son 12 ayın çıxarışı, əmək müqaviləsi və ya əmək kitabçası.
 

Adi dövlət ipoteka krediti ilə hansı şəhər və rayonlardan ev/mənzil ala bilərəm?

Dövlət ipotekası bütün ölkə ərazisini əhatə edir.

 

Adi dövlət ipoteka krediti üzrə zəmanət nədir?

Zəmanətlər ARİKZF hesabına müəyyən edilmiş komissiya qarşılığında ipoteka krediti məbləği üzrə fondun zəmanətinin təmin edilməsidir.

 

Adi dövlət ipoteka krediti üzrə zəmanəti kimlər və hansı qaydada ala bilər?

İpoteka kreditləri üzrə zəmanəti adi və güzəştli dövlət ipoteka kreditləri əldə edən şəxslər əldə edə bilər. Zəmanətin verilməsi ilə bağlı rəsmiləşdirilmə işləri borcalanın müraciət etdiyi bank tərəfindən həyata keçirilir.

 

İpoteka Krediti Haqqında Faydalı məlumatlar