İnternet dələduzlardan özünüzü qoruyun

Hörmətli istifadəçilər, son zamanlar internetdə kirayə ev (və ya digər elanlar) axtaran şəxslərdən dələduzluq yolu ilə beh (avans) pul alaraq vətəndaşları aldatmaq əməlləri artmaqdadır. Bu məqalədə sizə fırıldaqçılar necə işləyir və əgər sizi aldadıb sizdən pul alıblarsa nə edə bilərsiz sualına cavab verməyə çalışacayıq.

Emlaktap.az saytının adminstrasiyası elan verən şəxsləri tanımır və elanda göstərilən məlumatların düzgünlüyünə məsuliyyət daşımır.

Sizi cəlb etməyə çalışacaqlar

Bir çox hallarda, fırıldaqçılar əla şəraiti və yüksək səviyyəli mənzili, dəyərindən ucuz qiymətə kirayə verilməsi barədə saytlarda elan yerləşdirirlər və maksimum diqqət və alıcı cəlb edirlər.

Kim tez ödəniş etsə

Müştəri evə baxmaq istəyəndə, min bir bəhanə ilə; “Sabah zəng edərsiz baxarıq”, “Mən Bakıda deyiləm, bir neçə gündən sonar gələcəm”, "ev .... tarixdə boşalacaq", “evə 2 gündən sonra baxmaq olar”, “Başqa adam evi götürmək istəyir, kim tez ödəniş etsə evi ona verəcə(yə)m” və sairə yalanlarla müştərilər ilə görüşüb evi göstərməkdən boyun qaçırırlar.

Əmlakı kirayə götürməkdə maraqlı olan müştəri və yaxud qarşı tərəf, dələduzlar, beh (avans) pul verməyi təklifi edir. Görüşmək “mümkünsüz” olduğu üçün, beh pulu sizdən karta (online, milliön, e-manat və s.) köçürməsinə razılaşırlar.

Telefonlara zəg çatmır

Sonra, müştərini əmin etmək üçün, hər hansı bir vətəndaşın şəxsiyyət vəsiqəsinin şəkilini və əldə etdikləri bank kartının şəkilini whatsappla ona göndərirlər. Bu sənədlərlə müştəridə arxayınlıq yaradırlar.

Vicdanlı müştəri isə arxayın olub karta müəyyən məbləğdə beh pul köçürdür. Behi aldıqdan sonra dələduzların telefonlarına zəg çatmır və ya zənglərə cavab vermirlər.

Fırıldaqçılar cəzasız qalırlar

Təssüflər olsun ki, əksər hallarda, aldadılmış vətəndaşlar vaxtını sərf edib hüquq mühafizə orqanlarına müraciət etmək istəmirlər. Bu səbəbdən fırıldaqçılar cəzasız qalırlar və başqa adamları aldadmaqda davam edirlər.

Dələduzları necə tapmaq olar?

Əgər fırıldaqçılar sizdən pul alıb yoxa çıxıblarsa ilk öncə polisin 102 və ya 152 qaynar xəttdinə zəng edin. Başınıza gələn hadisəni onlara danışın və onlardan sizi ən yaxın polis məntəqəsinə yönəldməyi rica edin.

Polisə yazılı ərizə vermək

Polis məntəqəsinə yaxınlaşdıqda mütləq şəkildə yazılı ərizə verin. Polis yazılı ərizə vasitəsi ilə iş açır və prosesi başladır. Adətən məntəqələrdə yazılı ərizələrin nümunəsini tapmaq olar və ya növbətçi hissədənə bu barədə sizə kömək etmələrin xaiş edə bilərsiz. Polis məntəqəsinə getdikdə şəxsiyyət vəsiqənizi mütləq şəkildə özünüz ilə aparın.

Polisə onlayn müraciət göndərmək

Azərbaycan Daxili İşlər Nazirliyinin elektron müraciət forması ilə vətəndaşlar hüquq mühafizə orqanlarına müraciət edə bilərlər. Bunun üçün Elektron müraciət göndərmək səhifəsinə keçib lazımı məlumatları doldurun.

Formu doldurmaq qaydası

Əgər sizi internetdə aldadıb pul atıblarsa Elektron müraciət göndərmək səhifəsi ilə formu doldurun.

Şəxsi məlumatlarınızı forma doldurun.
Müraciət mətni hissəsində başınıza gələn hadisəni izah edin.
Sizə göndərilən kart/hesab nömrəsini və göndərdiyiniz məbləğin qəbzini (çekini) fayl hissəsinə əlavə edin.
Əgər Whatsaap yazışmaları varsa onların ekran görüntüsünü çəkin və fayla əlavə edin.

1 manat belə alıblarsa

Həttə əgər sizdən 1 manat belə alıblarsa mütləq şəkildə hüquq mühafizə orqanlarına müraciət edərək dələduzların cəzalandırılmasına çalışın. Əgər siz etməsəniz heç kəs etməyəcək və vicdansız dələduzlar cazasız qalacaq. Məsələ pulun məbləğində yox məsuliyyətli vətəndaş olmaqdadır.

Pul verməyin

Ev sahibini və evi görmədən beh pul verməyin!

Bizə yazın

Sizdən beh istəyən və ya şübhə doğuran elanlar barədə bizə saytın əlaqə vasitələri ilə yazın və ya zəng edin.

Elanı şikayət edin

Əgər makler, agent və ya ev sahibi beh pul istəsə "oldu" deyib pul göndərməyin və həmən elanı şikayət edib bizə bildirin (hər bir elanın şəkilinin altında Şikayə et düyməsi var) və bizə yazın.

Hüquq mühafizə orqanlarına müraciət edin

Hər hansı bir dələduzluq fakti ilə üzləşdiyiniz halda hüquq mühafizə orqanlarına müraciət etməyinizi lazım hesab edirik.